E rilidhi energjinë pasi ia ndërprenë dhe u paraqit në polici për t’u burgosur, por e kthyen sërish në shtëpi.
Kjo është eksperienca e një qytetari nga Elbasani, i cili është krejtësisht i dorëzuar para realitetit në të cilën ndodhet familja e tij, raporton Abc News.
Kadri Filja thote së nuk ka asnjë mundësi të likuidojë faturat e energjisë dhe të ujit. Më pas tentoi të mbijetojë duke mbledhur kanaçe.
Kur edhe kjo përpjekje rezultoi e padobishme, ai bllokoi rrugën me kazanët e plehrave. 49-vjeçari pohon se ka trokitur në zyra dhe institucione në Elbasan.
Ndaj zgjidhjen e gjen përpara dy alternativave: ose shteti ta fusë në burg, ose mekanizmat e tij t’i gjejnë një punë që të mbajë familjen dhe të paguajë taksat.
