Struktura e Hekurudhës Tiranë-Rinas-Durrës po shkon drejt përfundimit pas më shumë se 3 vitesh punime, që nisën në fillim të vitit 2022 me çmontimin e linjës së vjetër.
“Punimet për hekurudhën Tiranë-Durrës, që përfshin edhe degëzimin drejt Rinasit kanë arritur në 90%. Aktualisht po punohet në trupin hekurudhor, i cili pritet të përfundojë në fund të muajit Maj.”
Janë përfunduar 30 km të linjës, ndërsa kanë mbetur edhe 3 kilometra nga Kashari drejt terminalit publik të autobusëve tek kthesa e Kamzës.
“Kemi edhe 3 kilometra për të punuar mbi strukturë, deri në fund të Majit parashikohet që të mbarojë çdo gjë sipër strukturës, me ballastin, shinat, traversat, sinjalistikën”, u shpreh Ergys Verdho, administrator i Hekurudhës shqiptare.
Ndërkohë ka nisur edhe puna për ndërtimin e 8 stacioneve të reja, të cilat pritet të përfundojnë në fund të këtij viti, së bashku me sinjalistikën dhe telekomunikacionin.
“Pastaj fillojmë me procedurën 4 mujore të kondicionimit të linjës dhe paraturave, pasi të mbarojë dhe kolaodimi, atëherë mund të nisë operimi i linjës Tiranë-Durrës, Kashar-Rinas në 6-mujorin e dytë të vitit 2026”, shpjegoi ai.
Treni do të jetë elektrik. Udhëtimi nga Tirana në Durrës do të zgjasë 22 minuta, ndërsa linja Tiranë-Rinas do të përshkohet për 12 minuta.
“Ajo firmë që do vijë të operojë do ketë edhe trenat, që janë minimumi 3, maksimumi 7 trena, kjo varet nga fluksi i trafikut që do ketë linja. Përshembull linja Tiranë-Rinas do ketë fluks të lartë. Do shihet trafiku që do ketë.”
Mospasja e një linje hekurudhore prej vitesh u ka mohuar qytetarëve një alternativë transporti, ndërkohë që makinistët me mbi 40 vite përvojë janë ende aty për të bërë diferencën.
“Kam mbi 40 vite makinist, punimet po ecin me ritme te ngadalta”, tha një makinist.
Po pse ka vonuar kaq shumë përfundimi i kësaj hekurudhe?
“Gjithë këto janë vonesa prej të mos pasurit një projekt për komunitetitn europian. Ne kemi shkuar për kredi shtesë për stacionet që nuk ishin më parë. E gjithë kjo sakrificë është bërë një mesim për çdo kontratë tjetër”, sqaroi Verdho.
Sa i përket shtrirjes së linjës deri në qendër të kryeqytetit, pranë ish-stacionit hekurudhor, ka mbaruar faza e projektimit.
“Gjurma e 4 kilometrave të fundit nga terminalit deri te ish-stacioni, ka mbaruar fazat e projektimit, presim vetëm buxhetimin e këtij projekti për të nisur punimet, mbarojnë shpejt se janë 4 km”, theksoi ai.
Nga Durrësi deri tek terminali i transportit publik do të ketë 8 stacione. Me zgjerimin e linjës deri tek kryqëzimi i rrugës “Jordan Misja”-Bulevardi i Ri, numri total i stacioneve do të shkojë në 11. Kostot e këtij projekti arrijnë në rreth 154 milionë Euro.
Une nuk arrij te kuptoj se si mundet qe per nje aks pre 35-40km te kete 11 stacione..?! Dhe si i del llogaria ketyre qe distanca Tirane-Durres do perkohet per 22 minuta..?! Sikur minimalisht te qendroje 1,5-2 minuta ne cdo stacion treni i bie qe te konsumoje te pakten 15 minuta kohe vetem duke qendruar. Po e marrim te mireqene qe nuk do kete asnje sekonde vonese me keto llogaritje qe bera dhe i bie te na teproje 7 minuta kohe per udhetimin per 35-40km. Dmth te beje 40 km per 7 minuta i duhet te udhetoje me shpejtesi rreth 250-300 km/h. Nese na vjen ky lloj treni, atehere ia paskemi kaluar Shangait.. i cili e ka 8 minuta udhetimin nga aeroporti ne qytet.
Gjysem ote eshte tani durresi qe cfare ska rruga te gjitha pengesat. Ne stacion nuk rrihet aq shume, 1 minute maximumi se njerez do mari sdo presi te mbushet
Ça është ky stacion fundot në Kashar !!
Stacioni i Tiranës duhet atje ku ka qenë – te “Treni”
Po keto qe po bejne hekurudhen kan degjuar genjeshtrat e rames dhe i kan marr te mirqena Sepse balluku e ka ble trenin ne Japoni dhe eshte super i shpejt.
Me nje fjale ky Rama I beka gjerat jo si trami I Lulushit me Salushin