Gazetari i njohur i Top Channel Sokol Balla do të rikthehet sonte në orën 21:00 me shoun e tij historik “Top Story”, pas rreth një muaj mungese. Balla e ndërpreu përkohësisht emisionin e tij, pas shantazhimit që pësoi nga të panjohur, me anë të një videoje nga jeta e tij private. Rikthimi i Ballës shënon rinisjen e njërit prej emisioneve më të njohur në vend të debatit politik e qytetar.
Sonte Balla do të ketë përballë kandidatin e të majtës për bashkinë e Tiranës, Erion Veliajn, në një intervistë rreth jetës dhe karrierës së ish-ministrit të mirëqenies sociale. Më poshtë po botojmë promon e emisionit të sotëm të “Top Story”.
