Në gjirin e Vlorës është rikthyer normaliteti përsa i përket mjeteve lundruese. Skafet familjare apo turistike janë duke dalë çdo ditë në det.
Kontrollet e shtuara të policisë kufitare janë përshëndetur nga ana e skafistëve, kryesisht ata që këto mjete i përdorin për shëtitje turistike.
Monitorimi i policisë, përveç zbatimit të rregullave të lundrimit, penalizon edhe konkurencën e paligjshme, apo ata që abuzonin me numrin e turistëve në mjet.
“Po na ndihmon shumë shteti, kontrollet vazhdojnë. Thjesht dokumentacioni dhe numri i pasagjerëve për ata që kanë licensë. Kam një gomone e cila është me dokumentacion të rregullt. Përsa i përket kontrolleve, kemi pasur kontrolle çdo ditë për kapacitete të personave”, shprehen disa prej pronarëve të mjeteve lundruese.
/a.r
