Rikthehet ‘Lopa e Çmendur’
Virusi i lopës së çmendur është zbuluar në një lopë në Uells. Lajmin e kanë konfirmuar autoritetet zyrtare, të cilat thanë se nuk ka asnjë rrezik për përhapjen e sëmundjes pasi virusi nuk është futur në zinxhirin ushqimor të njeriut.
“Identifikimi i këtij rasti tregon se kontrollet tona janë në nivelin e duhur”, i ka thënë BBC-së ministrja e Fermave dhe Ushqimit, Rebecca Evans.
Vitin e kaluar, në Britani u regjistrua vetëm një rast njerëzor me këtë sëmundje. Ndërsa në 2013 pati 3 raste.
Për shkak të periudhës së gjatë të inkubacionit, e cila zgjat nga 2 deri në 8 vjet, zbulimi i sëmundjes është i vështirë.
Në vitin 2012, në Britaninë e Madhe u regjistruan 177 raste të prekurish nga sëmundja e “lopës së çmendur”. Efektet negative në blegtori ishin shumë të mëdha. Mbi 180 mijë krerë gjedhë u prekën nga sëmundja, ndërsa 4 milion të tjera u asgjësuan për të parandaluar përhapjen e virusit. Nga viti 1996-2006, një vendim në fuqi i Bashkimit Europian ndalonte importimin e mishit të viçit nga Britania e Madhe.
