Juventusi ka regjistruar fitoren e dytë në Serie A duke mposhtur Bolognan, 3-1.
Bologna kaloi e para në avantazh me Mounier në minutën e 5’ duke rikthyer makthin e javëve të fundit te bardhezinjtë, por Juventusi arriti që të përmbyste gjithcka.
Alvaro Morata, barazoi në 1-1 në minutën e 33’. Dybala në minutën e 52’, nga penalltia i dha epërsinë e parë Juventusit në këtë takim, ndërsa Khedira në minutën e 63’, vulosi fitoren.
Me këtë fitore, Juventusi arrin në kuotën e 8 pikëve dhe zë vendin e 12, ndërsa Bologna me 3 pikë mbetet në vendin e 20.
