Ish-ministri i Jashtëm dhe ish sekretari i mardhënieve me jashtë në PD, Besnik Mustafaj rikthehet pas 9 vitesh në politikën aktive. Mustafaj nëpërmjet një postimi në rrjetet sociale shkruan se, “Disa miq, pjesemarres ne levizjen per demokraci ne fillimet e saj, me thone se ne Diber keto dite po ndodh diçka e ngjashme me çfare kemi jetuar njezet e pese vjet me pare: po ngjallet shpresa. Bashke me mikun tim Lulzim Ndreu, pasardhes i denje i te madhit Elez Isufi, po shkojme ta shohim ne vend kete mrekulli dhe ta pershendesim Sherefedin Shehun”, shkruan ai.
Cityneës kontaktoi me zotin Mustafaj i cili konfirmoi se është rrugës për në Dibër ku do shkojë të mbështesë kandidatin Sherefedin Shehu, ai tha se sot dhe nesër do jetë në takime me banorët e Dibrës. Mustafaj theksoi për cityneës se nesër do përshëndesë kandidaturën e Shehurt në mitingun prezantues dhe do kërkojë publikisht mbështetjen e dibranëve për kandidatin e PD-së.
Besnik Mustafaj me daljen e nesërme në prezantimin e Sherefedin Shehun, bën rikthimin e tij në politikën aktive. Që prej vitit 2007 kur ai dha dorëheqjen nga Ministër i Jashtëm “ka heshtur”. Mustafaj ka qenë i tërhequr në jetën e tij private dhe botën letërsitë.
Rikthimi i Mustafajt bëhet pas gati 9 vitesh duke shkuar në një miting elektoral dhe duke përcjellë një mesazh politik në mbështetje të kandidatit të PD për bashkinë Dibër, Sherefedin Shehu./citynews/r.a
