Si çdo vit tjetër, mesi muajit gusht sjell me mijëra emigrantë që jetojnë e punojnë në vendet fqinje në atdhe.
Vetëm 5 ditët e fundit nëpërmjet pikës së kalimit kufitar të Kapshticës kanë hyrë nga Greqia drejt Shqipërisë me tepër se 37 mijë shtetas.
Ajo që përsëritet edhe njëherë tjetër këtë vit është mungesa e personelit në palën greke dhe puna me sportele të reduktuara në pikën e kalimit kufitar të Krystallopigi. Radha e mjeteve që presin të hyjnë drejt vendit tonë i kalon 2km.
Nga ana tjetër, pala shqiptare është duke punuar me kapacitete maksimale për të evituar radhët e gjata ndërsa në ditët në vijim pritet një numër edhe më i lartë hyrje- daljesh.
