Të paktën 6 palestinezë kanë jane vrare në sulmet e ushtrisë izraelite të ndërmarrë në Rripin e Gazës nën bllokadë, transmeton Anadolu Agency (AA). Sipas një deklarate të bërë nga Gjysmëhëna e Kuqe Palestineze, është bërë e ditur se 6 palestinezë kanë rënë dëshmorë, ndërsa 7 të tjerë janë plagosur në sulmet që ushtria e Izraelit ka ndërmarrë në pjesën jugore të Rripit të bllokuar të Gazës.
Deklaratë nga ushtria e Izraelit
Nga ana tjetër në një deklaratë të bërë nga ushtria izraelite në lidhje me incidentin thuhet se “Forcat tona kanë kryer një opercion sigurie në Rripin e Gazës. Pas operacionit ka ndodhur përleshje”.
Po ashtu në deklaratën ku vihet në dukje se detajet në lidhje me sulmin do të njoftohen më pas, transmetohet se kanë rënë sirenat e paralajmërimit për raketa në venbanimet hebreje pranë Rripit të Gazës.
Ndërkohë shtypi izraelit për kolonët hebrenj që banojnë përreth Rripit të Gazës ka shkruar paralajmërimin që të “qëndrojnë nëpër bunkerë dhe ambiente të mbrojtura për shkak të sigurisë përgjatë kufirit”.
Theksohet se ministri izraelit i mbrojtjes Avigdor Liberman ka biseduar me komandantë të nivelit të lartë pasi ka mbërritur në ministri.
–Dëshmorë dhe të plagosur nga Brigadat Izzeddin el-Kassam
Ministria e brendshme në Gaza në një deklaratë me shkrim ka njoftuar se në “incidentin e sigurisë” të ndodhur në jug të Gazës ka dëshmorë dhe të plagosur nga Brigadat Izzeddin el-Kassam, të cilat janë krahu i armatosur i Hamasit.
Në deklaratën ku nuk është dhënë informacion për numrin e dëshmorëve dhe të plagosurve theksohet se forcat e sigurisë janë duke ndjekur ngjarjen.
