Moti në vend do jetë kryesisht i vranët me shira të dobët deri në mesditës kur vranësirat fuqizohen duke sjellë rrebeshe afatshkurtra në pjesën më të madhe të vendit.
Në të njëjtat kushte të motit vendi mbetet edhe në mbrëmje, kryesisht në Veri dhe Qendër.
Sipas MeteoAlb, temperaturat e ajrit mbeten thuajse konstante gjatë mëngjesit por rënie me 2-3°C sjell mesdita; duke ulur maksimumin në 28°C.
Era do fryjë mesatare në tokë por e fortë në det, me shpejtësi 55 km/h nga drejtimi Jugor duke krijuar në det dallgëzim 3-4 ballë.
Europa
Pjesa më e madhe e Europës dominohet nga vranësirat duke sjellë shira të shpeshtë kryesisht në Mesdhe, zonat Juglindore dhe Qendrore të Europës.
Por kthjellime dhe vranësira kalimtare dominojnë Perëndimin dhe zonat lindore të kontinentit.
