Një nga legjendat e muzikës botërore të viteve 80-90, grupi “Guns N’ Roses” ka lajmëruar se do të nxjerrë një tjetër album. Muzika e tyre është një përzierje unike e punk, blues dhe glam. “Guns N’ Roses” është një nga grupet më me ndikim dhe më të sukseshëm të zhanerit rrok të të gjitha kohërave.
Ende sot koncertet e tyre janë të shumta, por përkrahë tureve grupi duket se ka rezervuar surpriza për fansat e tyre. Anëtarët e bandës lajmëruan se vitin e ardhshëm do të publikojnë albumin e rradhës.
Kitaristi Richard Fortus tha se projekti është ende duke u përpunuar, megjithatë u siguroi fansave se 2019 do të sjellë këngë të reja për to. Gjatë performancës së tyre në Hawai, ata thanë se nuk dëshirojnë të bëjnë planë për të ardhmen derisa çdo gjë të jetë e sigurt.
Albumi i fundit që grupi publikoi ishte në vitin 2008 dhe titullohej “Demokracia Kineze”. Ai u mendua të lançohej që në vitin 1999, por për shkak se disa nga anëtarët e bandës u larguan, ai vonoi të dilte në treg. Ai u bë albumi më i shtrenjtë i prodhuar ndonjëherë, i cili kushtoi 13 milion dollarë.
a.çupaj
