Autoritetet turke kanë kryer arrestime të gjera në lindje dhe juglindje të vendit, duke çuar në pranga zyrtarë lokalë nga radhët e Partisë Demokratike të Popullit (HDP) e akuzuar si pro-PKK kurde.
Kryebashkiaku Yaşar Akkuş i krahinës lindore të Idır u arrestua të premten herët si pjesë e hetimit anti terror. Njësitë e policisë mbyllën zonën përreth ndërtesës së bashkisë dhe filluan një kontroll të njëkohshëm në banesën e Akkuş dhe zyra e tij në bashki thanë burimet e sigurisë.
Akkuş u arrestua më vonë në shtëpinë e tij dhe u dërgua në ndërtesën e policisë. Ndërsa vazhdon një kontroll në shtëpinë dhe zyrën e Akkuş, njësitë e sigurisë kanë arrestuar gjithashtu tre kryetarë bashkish në provincën Siirt juglindore për lidhje të dyshuara me grupin terrorist të PKK.
Sipas burimeve, kryetari i Siirtit Berivan Helen Işık, Nënkryetari i Bashkisë Peymandara Turhan, Kryetari i rrethit të Kurtalan Baran Akgül dhe kryetari i rrethit të Baykan, Ramazan Sarsılmaz u arrestuan si pjesë e hetimit të iniciuar nga kryeprokurori publik i Siirt.
Ndërsa policia ndërmori masa të gjera sigurie rreth ndërtesave të bashkisë dhe ndërtesës së policisë, kërkimet në të gjitha zyrat e zyrtarëve lokalë vazhdojnë.
Njerëz të besuar të qeverisë janë emëruar për të zëvendësuar kryetarët e bashkive dhe morën detyrën po sot.
g.kosovari
