• Kontakt
  • Kreu
  • Rreth Nesh
Thursday, November 12, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Rikonstruktohet rruga “Xhorxh W Bush”, Veliaj: Jemi qyteti kampion në Ballkan për rritjen e vlerës së pronës

by A R
02/08/2023 14:58
Shperndaj ne FacebookShperndaj ne Twitter

Një tjetër rrugë në kryeqytet, rruga “Xhorxh W Bush”, po rikonstruksionet nga Bashkia e Tiranës. Përveç rrugës, projekti parashikon edhe rikonstruksionin e kryqëzimeve me rrugët “Xhorxhi Martini”, “Myrtezim Kelliçi” dhe “Jeronim De Rada”, si dhe ndërhyrjen në fasadat e objekteve që ndodhen në anë të saj.

Kryetari i Bashkisë së Tiranës, Erion Veliaj, u shpreh i kënaqur me ritmin e punimeve, të cilat janë drejt përfundimit, ndërsa tha se zgjerimi i saj do të lehtësojë edhe trafikun.

“Jam shumë i kënaqur nga punimet. Është një nga akset më të rëndësishme dhe më të vështira për të punuar. Ka një akses të jashtëzakonshëm dhe trafik, sepse këtu ndodhen institucionet kryesore, duke filluar nga Komuniteti Mysliman dhe Parlamenti i Shqipërisë, do të thotë se frekuenca me të cilën qarkullohet në Unazën e Vogël, e bën këtë një aks jetik. Nga ana tjetër, është një punë që nuk mund ta shtyjmë më gjatë. Kështu që, momenti ideal për ta përfunduar është ky Gusht, që kur qytetarët të kthehen nga pushimet të gjejnë edhe fasadat totalisht të transformuara me termoizolim, sidomos pallatet e vjetra të ish-Kinema “Partizanit”. Më vjen mirë që, bashkë me projektin e UNOPS-it dhe të BE-së, edhe ish-ndërtesa që njihet si ndërtesa e Institutit të ish të Përndjekurve, gjithashtu një monument kulture i kategorisë së dytë dhe i gjithë ky hark që lidh “Rrugën e Elbasanit” me Partizanin e Panjohur, është transformuar totalisht,” u shpreh Veliaj.

Kreu i Bashkisë tha po ashtu se, si në të gjitha rrugët e tjera që po rikonstruktohen në Tiranë, edhe në këtë aks është parashikuar korsia e biçikletave, si dhe zgjerimi i trotuareve dhe zonave pedonale.

“Do ketë mundësi që korsia e biçikletave të vazhdojë edhe në Unazë të Vogël. Lëvizshmëria të bëhet të paktën për pjesën e Tiranës qendrore dhe sa më pedonale, ashtu siç është sheshi “Skënderbej”, ashtu siç janë disa rrugë të bllokut, ashtu siç janë zgjeruar disa trotuare tek “Shallvaret”, edhe këtu kemi pasur një zgjerim të hapësirës së përdorur nga këmbësorët dhe besoj se brenda gushtit do të kemi mundësi të inaugurojmë vërtet një cilësi të jashtëzakonshme të infrastrukturës urbane, ku praktikisht kemi aplikuar atë që quhet ‘demokracia e rrugës’. Patjetër ka vend për makinat, por nuk i bëjmë qytetet vetëm për makinat. Qytetet i bëjmë për njerëzit, ku 20% lëviz me makina, pjesa tjetër me transport publik, biçikletë ose në këmbë,” nënvizoi Veliaj.

Ai vlerësoi faktin se rehabilitimi i kësaj zone, ashtu sikurse edhe në të gjithë Tiranën, e ka rritur së tepërmi vlerën e pronës, duke e shndërruar Tiranën në qytetin kampion në Ballkan.

“Kur shikon se sa lëviz vlera e pronës, në rritje gjithmonë, pasi ka mbaruar një proces infrastrukture, atëherë ti kupton që ia ka vlejtur gjithë investimi. Rritja e vlerës së pronës në këtë aks, deri te Partizani i Panjohur, me gjithë ato pallate, që përveçse përfituan infrastrukturë horizontale, përfituan edhe infrastrukturë vertikale me veshje me kapotë, lyerjen dhe estetikën, besoj se i kemi bërë një shërbim komunitetit. Sot jemi qyteti kampion në Ballkan për rritjen e vlerës së pronës dhe fakti që është shtuar ndjeshëm blerja e pronës nga të huajt, që nuk janë në nevojë për strehim, por që e shohin Tiranën si vend investimi, unë besoj që është komplimenti më i madh. Pavarësisht se çfarë opinionesh kemi, faktet janë të njëjta: Prona në Tiranë vazhdon dhe rritet, cilësia e jetës në qytet, turizmi i shtuar, janë konfirmim që kemi marrë vendimet e duhura, jo vendimet e lehta, por vendimet e duhura,” e mbylli Veliaj fjalën e tij.

/a.r

Next Post
Arrestohet 54-vjeçari, ngacmoi seksualisht një grua

Arrestohet 54-vjeçari, ngacmoi seksualisht një grua

Leave a Reply Cancel reply

Your email address will not be published. Required fields are marked *

TË FUNDIT

Irani kërkon kompensim për dëmet mjedisore nga sulmet SHBA-Izrael

Irani kërkon kompensim për dëmet mjedisore nga sulmet SHBA-Izrael

November 11, 2026
Izraeli në prag të një sulmi të ri ndaj Iranit? Eisenkot i kërkon Netanyahut të mos ndërmarrë veprime ushtarake

Izraeli në prag të një sulmi të ri ndaj Iranit? Eisenkot i kërkon Netanyahut të mos ndërmarrë veprime ushtarake

November 11, 2026
Rusia dhe Serbia negociojnë kontratën e re të gazit, Lavrov: Do të respektojmë të gjitha marrëveshjet

Rusia dhe Serbia negociojnë kontratën e re të gazit, Lavrov: Do të respektojmë të gjitha marrëveshjet

November 11, 2026
Zjarri përfshin magazinën me dru në Gjirokastër

Zjarri përfshin magazinën me dru në Gjirokastër

November 11, 2026
Rama: 95% e shërbimeve online, synojmë një proces prokurimi tërësisht përmes inteligjencës artificiale

Rama: 95% e shërbimeve online, synojmë një proces prokurimi tërësisht përmes inteligjencës artificiale

November 11, 2026
“Ka nevojë për ndihmë psikiatrike”, Blatter sulmon ashpër Infantinon: Është diktator!

“Ka nevojë për ndihmë psikiatrike”, Blatter sulmon ashpër Infantinon: Është diktator!

November 11, 2026
Arlind Qori zbulon planet politike: Do të kandidoj për Tiranën, në 2029 largohem nga drejtimi i partisë

Arlind Qori zbulon planet politike: Do të kandidoj për Tiranën, në 2029 largohem nga drejtimi i partisë

November 11, 2026
Protestat në Shqipëri, Rama: Regjimi iranian ndikoi përmes rrjeteve sociale, dhuna e papranueshme

Protestat në Shqipëri, Rama: Regjimi iranian ndikoi përmes rrjeteve sociale, dhuna e papranueshme

November 11, 2026
A rrezikohet Samiti i NATO-s në Shqipëri? Tirana mohon mundësinë e një takimi virtual

A rrezikohet Samiti i NATO-s në Shqipëri? Tirana mohon mundësinë e një takimi virtual

November 11, 2026
SHBA-Iran, Vance drejt negociatave të drejtpërdrejta me Teheranin, Trump i jep dritën jeshile

SHBA-Iran, Vance drejt negociatave të drejtpërdrejta me Teheranin, Trump i jep dritën jeshile

November 11, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In