Brenda vetëm 15 orëve, është shkarkuar nga interneti gati 5 milionë herë, duke shënuar kështu rekord botëror për download nga interneti. Në të vërtetë, albumi është botuar të mërkurën në mbrëmje dhe këngët kanë mundur të merren në shërbimin ‘Tidal’ të reperit Jay-Zi ndërsa për numrin e madh të transferimit nga interneti, Rihanna ka raportuar menjëherë në profilin e saj në Twitter.
Botimi i këtij albumi ka pasur shumë vështirësi. Fillimisht ai ishte paralajmëruar se do të nxirrej në shitje më 15 shtator të vitit të kaluar, por kjo datë ishte shtyrë. Babai i saj Ronald Fenty, në janar kishte deklaruar se albumi nuk është botuar sepse duhet ende punë në të, pasi Rihanna nuk është e kënaqur se si tingëllon ai. Mirëpo, tani duket se çdo gjë është në rregull, prandaj në vazhdim janë përgatitjet për turneun e madh botërorë, i cili quhet ‘Anti World Tour’, i cili fillon më 16 shkurt. Në pjesën amerikane të këtij turneu, para Rihanna-s do të këndojë reperi Travis Scott.
