Rezultati i dobët në zgjedhje, Rama shkrin PS e Lezhës
Rezultati i dobët në zgjedhjet vendore në Qarkun e Lezhës pritet të sjellë edhe ristrukturimin e strukturave të Partisë Socialiste. Kjo ka bërë që kryeministri Edi Rama të shkarkojë sot nga detyra kryetarin e PS-së në Lezhë Berti Cuku.
Lajmi konfirmohet nga burime për Shqiptarja.com sipas të cilave pas këtij vendimi, pritet të ristrukturohen të gjitha strukturat e Partisë Socialiste në Lezhë. Të njëjtat burime sqaruan për Shqitparja.com se shkak i shkrirjes së strukturave të PS-së në Lezhë është humbja e zgjedhjeve në këtë qark.
E deleguara për të ndjekur këtë proces në Qarkun e Lezhës është ministrja e Arsimit, Lindita Nikolla.
Në një takim me dyer të mbyllura që pati pasditen e së mërkurës në rajonet Lezhë-Dibër, kryesocialisti Edi Rama u kërkoi strukturave të partisë shpjegime mbi faktorët e kësaj humbje të thellë në këtë rreth.
