Analisti Frrok Çupi u shpreh se zgjedhjet e ardhshme kanë një rezultat që dihet. Sipas tij, sot është e vështirë të gjesh një grupim njerëzish aq të egër sa në kohën e Saliut dhe se jemi bërë një shtet modern më pranë BE-së.
“ Vendi ynë zhvillon zgjedhjet dhe rezultatet dihen, mazhoranca e sotme do të jetë një mazhorancë më e madhe pas zgjedhjeve. Jetojmë me këtë realitet dhe është krijuar një realitet ku shqiptarët janë në gjendje të votojnë, është bërë një shtet modern, bëjmë një jetë shumë herë më të mirë, njerëzit nuk e kanë ëndërruar. Është zhvilluar ekonomia, arsimi, është zhvilluar njeriu. Nuk mund të gjesh sot një grupim njerëzish aq të egër si në kohën ku qeveriste Saliu.
Për herë të parë, Shqipëria shkon në zgjedhje duke qenë shumë afër BE. Mandati i ardhshëm do të na bëjë anëtarë të BE. Kush mund të thotë që nuk e do këtë gjë dhe të votojë kundër kësaj gjëje.
Kemi një opozitë të shpartalluar sepse është e papranuar nga perëndimi, na publiku , është e frikshme , ka një biografi të shëmtuar , nuk ka kërkuar ndjesë për atë gjë që ka bërë. Me këtë lidhet dhe një gjë tjetër. Jemi duke shkuar në zgjedhje, por pa pikën e dyshimit që mund të kthehemi në antieuropian, makthe ka pasur në Rumani, Bullgari , po zbresin në Paris. Jemi ai vend që perëndimi është shumë i qetë sepse e ka perëndimin në anën e vet.” / abcnews.al
