Është e vërtetë që futbolli italian është në krizë prej më shumë se 10 vitesh, por është gjithashtu e vërtetë se, të paktën në ndeshjen e parë të fazës së grupeve, ato e kishin nisur me një hap mjaft të mbarë.
Për të gjetur italianet që startojnë kaq keq, madje si asnjëherë tjetër kaq keq, në fazën e grupeve të Ligës së Kampioneve, të paktën që kur ky kompeticion pranon 32 skuadra pjesëmarrëse, duket të kthehemi shumë prapa, saktësisht në sezonin 1999-2000.
Në atë edicion, pas eliminimit të Parmës në “play-off” ndaj Gllazgou Rejnxhërs, Lacio, Fiorentina dhe Milani startuan me 3 barazime: kryeqytetasit dolën 1-1 në Leverkusen, 0-0 i vjollcëve dhe i kuqezinjve, respektivisht ndaj Arsenalit dhe Çelsit.
FUNDOSET JUVJA – Ndërkohë, nëse shohim edhe renditjen e UEFA-s, për ekipet pjesëmarrëse në Europë, Juventusi, i cili e mbylli në muajin maj në vendin e dytë, madje deri në finale ishte skuadra që kryesonte klasifikimin, duke përmbledhur rezultatet deri në këtë fillimsezoni, e sheh veten në vendin e 20-të, një rënie e lirë kjo e torinezëve, e cila ndikohet pikërisht nga disfata në Europë, ndaj Barcelonës./Panorama/a.m.
