Rezidenca e presidentit amerikan Barack Obama dhe e familjes së tij gjatë qëndrimit në Havana të Kubës i ka mbijetuar luftës, revolucionit dhe pushtimit nga shqiptarët.
Kështu shkruante agjencia Reuters në prag të vizitës historike të presidentit amerikan, e para pas 90 vjetëve.
Agjencia e lajmeve nuk jep më shumë detaje për atë që e cilëson si “pushtim të shqiptarëve”. Por thekson se vila u braktis nga ambasadorët amerikanë që e përdornin prej viteve 1961 deri në 1977, duke e lënë shtëpinë në kujdesin fillimisht të shqiptarëve dhe më vonë zviceranëve.
Kuba u përpoq ta shtetëzonte disa herë atë, por nuk mundi dot, pasi amerikanët e rimorën sërish.
