Teksa numërohen edhe kutitë e fundit për pjesën më të rëndësishme të zgjedhjeve të 11 majit, votat për partitë, humbja e thellë e Partisë Demokratike dhe Sali Berishës mbetet lajmi më i rëndësishëm që ka tronditur jo pak drejtuesit e saj, por edhe bazën.
Nuk mungojnë edhe pakënaqësitë, kritikat e forta, distancimet dhe deri tek kërkimi i llogarisë.
Mungesa e meritokracisë me kandidatët në garën e primareve shihet si një nga shkaqet e humbjes, por edhe organizimi dhe figurat e vjetra, deri edhe tek lidershipi i saj Sali Berisha, dy herë i shpallur non grata nga SHBA dhe Britania e Madhe, sikurse dhe nën akuzë dhe i pandehur nga SPAK-GJKKO për aferën “Partizani”.
Një nga drejtuesit e lartë të strukturave që ka reaguar sot (13 maj( ka qenë edhe kryetari i Forumit Rinor Demokrat në Durrës, Oresti Berberi, që ka reaguar duke kërkuar mbajtjen e përgjegjësive.
Një nga shoqëruesit dhe mbështetësit më aktivë të Berishës në takimet që ai ka bërë me të rinjtë, ai ndihet i zhgënjyer nga rezultati që vjen edhe si rezultat i strategjisë së gabuar politike të PD-së.
“Zgjedhjet u humbën, justifikime njësoj si Lul Basha nuk ka më. Përgjegjësinë ta mbajnë ata që e kanë!”, shkruan ai në profilin e tij në rrjetin social Facebook, por pa përmendur emra.
Berisha gjatë Foltores, Rithemelimit dhe pas rimarrjes së PD-së, ka përfshirë në statut edhe “nenin Basha”, ku kryetari mbante përgjegjësinë e dorëheqjes nga partia në rast të humbjes së zgjedhjeve, por ditën e sotme në konferencë la të kuptohej se nuk do ta zbatonte edhe këtë premtim, sikurse shumë të tjerë më herët.
Per ju qe thoni ska me justifikime,ta kuptoni,basha ske qene kurre kryetare,i te quajtures pd,kryetari,ishte e eshte monstra juaj,i vicidolit.Largojeni trathtarin,ai u shite te k/hajduti,i ka dhene fitoren,qe nga viti 2013.Ska qenie te gjalle,me te ndyre se monstren e vicidolit,ai ska asnji gje te vertete,te tille e ka karakterin.