Pas anullimit të vizave për 23 funksionarëve të drejtësisë nga ambasada e Shteteve të Bashkuara të Amerikës ka reaguar dhe Shoqata Kombëtare e Gjyqtarëve të Shqipërisë të cilët shprehen se nuk janë atë që pengojnë reformën në drejtësi dhe kjo duhet trajtuar individualisht për çdo subjekt.
“Ne nuk kemi të drejtë të hamendësojmë mbi shkaqet, por i garantojmë vendet mike dhe kontribuuese në reformën në drejtësi, sikurse janë Shtetet e Bashkuara të Amerikës, se institucionet e drejtësisë nuk kanë qenë, nuk janë dhe as nuk do të jenë pengesë në kryerjen e kësaj reforme, por as nuk do të lejojnë që të nëpërkëmbet dinjiteti i funksionarëve të drejtësisë”, shprehen gjyqtarët.
Më tej gjyqtarët e grupuar në këtë Shoqatë shprehen se “që në fillim të kësaj reforme, organet e drejtësisë në vend, padrejtësish janë etiketuar si “pjesa e sëmurë” e organizmit shtetëror dhe e keqja që duhet luftuar.
“Kjo frymë anti-institucionale ka ardhur në rritje, deri në pikën sa tashmë reforma po konceptohet si një reformë kundër sistemit të drejtësisë dhe jo reformë për sistemin e drejtësisë.
Anulimi i vizave për disa nga kolegët tanë është një çështje që duhet të trajtohet individualisht për secilin rast dhe nuk mund të shërbejë as si etalon matjeje për punën në sistemin e drejtësisë”. /ma.me
