Reshjet e shiut kanë krijuar probleme në disa zona të qytetit bregdetar të Vlorës. Rrugët e portit janë mbushur me ujë duke sjellë problematika të mëdha në qarkullimin e mjeteve.
Bashkia u ka bërë thirrje qytetarëve që të qëndrojnë në shtëpi. Kanali në lagjen Pavarësia të qytetit si pasojë e prurjeve të larta rrezikon të dalë në sipërfaqe.
“Te dashur qytetare! Duke parë kushtet e motit nê Vlorë, por edhe në të gjithë vendin, do ju luteshim të shmangnit të gjitha lëvizjet me makina për shkak të shirave të dendur dhe erërave të forta. Paralajmërimet e meteorologëve për përmbytje, na bëjnë të jemi të kujdesshëm”, thuhet ndër të tjera në njoftimin e Bashkisë së qytetit bregdetar.
Ndërkohë dhjetëra hektarë tokë raportohet se janë përmbytur në Fushë Krujë si pasojë e reshjeve të dendura të shiut dy ditët e fundit.
Sipas News24 lumi Ishëm ka dalë nga shtrati duke sjellë përmbytje, por për fat të mirë deri tani nuk raportohet për banesa që rrezikohen nga përmbytja.
Një ditë më parë, Instituti i Gjeoshkencës raportoi për reshje të dendura shiu deri në datën 11 janar, ku paralajmëroi edhe përmbytje.
g.kosovari
Vjosen vetem Sazan Guri i ndal vrullin