Pjesa juglindore e Shqipërisë është përfshirë nga ngrica të shumta, të cilat kanë krijuar vështirësi në kalimin e automjeteve.
Sipas njoftimit zyrtar të policisë së Korçës mësohet se të gjitha akset rrugore janë të kalueshme me zinxhirë, përveç aksit Ersekë – Leskovik, i cili aktualisht rezulton i bllokuar nga dëbora.
Akset:
Korçë -Voskopojë – Dardhë;
Korçë – Qafa e Qarrit , Korçë- Goricë;
Pogradec – Qafë Plloçë,
Pogradec- Qafë Thanë;
Korçë-Devoll-Kapshticë;
Ersekë-Qafë Qarri; janë të kalueshme me zinxhirë.
Vijon puna me borëpastrueset për kriposjen dhe pastrimin e rrugëve.
Policia Rrugore është në gatishmëri dhe monitorim të vazhdueshëm të lëvizjes së automjeteve, duke ju ardhur në ndihmë drejtuesve të mjeteve. Policia bën thirrje të gjithë qytetarëve që të shmangin të gjithë lëvizjet e pa nevojshme, dhe në rast emergjence të mos hezitojnë të kërkojnë ndihmën e Policisë. /javanews/a.k
