Përgjatë këtyre ditëve i gjithë vendi është përfshirë nga reshjet e dendura të shiut, duke shkaktuar jo pak probleme në disa zona.
Gjatë ditës së sotme do të mbizotërojë mot kryesisht me vranësira. Në zonën veriore të vendit do të ketë reshje shiu të herë pas hershme, lokalisht shtrëngata dhe stuhi, më të pranishme në pjesën e dytë të ditës.
Intensiteti më i lartë i reshjeve do të jetë në veri-veriperëndim. Në Alpe, në lartësi priten reshje të pakta dëbore. Në zonën qendrore dhe jugore të vendit do të ketë reshje shiu të herë pas hershme me intensitet të ulët, lokalisht shtrëngata dhe stuhi, kryesisht në pjesën e dytë të ditës.
Ndërsa gjatë ditës së enjte do të mbizotërojë mot me vranësira mesatare dhe të dendura, si dhe kthjellime të pakta dhe afatshkurtra. Priten reshje shiu të herë pas hershme me intensitet të ulët në zonën qendrore dhe jugore të vendit.
Në zonën veriore dhe kryesisht në veriperëndim reshjet do të jenë me intensitet mesatar në formën e shtrëngatave dhe stuhive kalimtare. Reshje dëbore të dobëta do të ketë në Alpe dhe verilindje në lartësi mbi 800 metër
a.ç
