Moti sot parashikohet me vranësira mesatare dhe të dendura si dhe intervale të shkurtra me diell.
Shërbimi Meteorologjik Ushtarak bën me dije se reshjet e shiut do të nisin në orët e paradites të herëpashershme me intensitet të ulët. Gradualisht reshjet do të shtojnë intensitetin deri në mesatar.
Në orët e pasdites e të mbrëmjes, parashikohet reshje shiu me rrebeshe me shkarkesa elektrike përgjatë vijës bregdetare.
Temperaturat e ajrit ulen lehtë në mëngjes por mesdita mbetet e pandryshuar duke luhatur vlerat ekstremale ditore nga 3°C deri në 19°C.
Era, do të fryjë me drejtim Juglindje – Jugperëndim, 1-7m/sek, hera herës me rrahje në bregdet deri në 10-15m/sek , duke u shoqëruar me një valëzim të forcës 4-5 ballë.
