Moti i paqendrueshëm do të vijojë që në orët e para të ditës së sotme.
Në Veriperëndim, Perëndim e Jug të vendit reshjet e shiut parashikohen intensive në formë rrebeshesh me shkarkesa elektrike.
Gradualisht gjatë pasdites reshjet do të ndërpriten për të mbetur në Jug e Juglindje në intensitet të ulët.
Vranësirat do ti lenë vendin kthjellimeve. Era përsëri do të fryjë hera herës e vrullshme kryesisht në bregdet, duke u shoqëruar me një valëzim të forcës 4 dhe 5 ballë.
Temperaturat parashikohen:
-në zonat malore 10ºC deri në 18ºC
-në zonat e ulëta 12ºC deri në 25ºC
-në zonat bregdetare 15ºC deri në 25ºC
