• Kontakt
  • Kreu
  • Rreth Nesh
Monday, November 9, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Aktualitet

Reportazh/Si ndodhi tragjedia e familjes Lala

by Java News
02/12/2019 21:46
Shperndaj ne FacebookShperndaj ne Twitter

Kishte vetëm pak orë që kishte marrë e marta e 26 nëntorit. Ngjitur me vilën 4-katëshe të familjes së madhe Lala ishe dhe ajo e Fehim Imerajt, që tregoi se ishte fqinj i mirë në gëzime dhe hidhërime. Feimi jetonte përballë tyre me gruan Bukurien dhe fëmijët, aty në zonën e Kënetës në Durës.

Ora shënonte 2:50 minuta e mëngjesit kur dridhja e parë e tokës i zgjoi ata nga gjumi. Të alarmuar, Bukuria dhe Fehimi rrëmbyen të përgjumur fëmijët dhe dolën jashtë shtëpisë për të shpëtuar. U kujtuan dhe për Marjetën, të cilës i thirrën nga jashtë për ta ndihmuar. Ata sot janë të shokuar, e kanë të vështirë të flasin.

Por nga mendja nuk e zhdukin dot atë që panë e dëgjuan në ato orë tragjike, të cilat Bukurie Imeraj i rrëfen hap pas hapi për gazetaren Klodiana Lala. “Dëgjuam lëkundjen e parë, dolëm. Doli edhe komshija, i thirrëm dhe asaj se ishte më kalamaj të vegjël. Pastaj u rikthyem në banesë, ashtu si komshinjtë”, tha ajo.

Me 4 fëmijët e saj, Marjeta u rikthye në banesë, por nuk hipi në katin e katërt, por mbështolli fëmijët me krah dhe qëndroi dy më poshtë, bashkë me kunatin e paralizuar, vjehrrën dhe dy fëmijët e kunatit tjetër për t’u ndjerë më e sigurt. Nuk vonoi shumë dhe toka u drodh sërish në orën 3:55 minuta. Në ato sekonda fatale Fehimi zbriti sërish për t’i ndihmuar, duke thirrur, por nga brenda përgjigjet ishin të pakta.


“Kur dëgjuam lëkundjen e dytë, unë u ngjita për tek fëmijët e mi sipër, burri për të ndihmuar ata (familjen Lala). I thamë; “a t’i marrim fëmijët poshtë”. E shkreta tha; po i marrim fëmijët, po i bashkojmë bashkë. Në katin e dytë i bie ishin vendosur. I kishte fëmijët e vegjël. Pak sekonda ishin, kur gjithçka u bë rrafsh pastaj.”, pohon gruaja. Pasi toka pushoi së zhurmuari dhe aty nuk pipëtinte më asgjë. “Aty u bë një mjegull. Një krismë ku çdo gjë u bë rrafsh. Dy katet humbën fare, fare. Porta ishte e mbyllur.

Asgjë, as zë, asgjë.”, rrëfen fqinja e familjes Lala. Fehimi thërriti sërish dhe prej andej dëgjohej vetëm 17-vjeçari Ramë Lala, të cilit arriti t’i çonte ujë përmes një tubi dhe më pas lajmëroi policinë. Vetëm teksa dita po zbardhte vila 4-katëshe e familjes Lala, brenda të cilën banonin 3 kurora, dukej si një pemë me degët e thyera pas një stuhie që nuk mbajti më, duke u shkulur me rrënjë. “Pas 6-7 orësh u shemb çdo gjë. Nga krahu andej. Aty kishte mbaruar çdo gjë”, tha ajo.

Djaloshi 17-vjeçar Ramë Lala qëndroi aty poshtë rrënojave për orë të tëra duke luftuar me jetën dhe fatmirësisht zjarrfikësit arritën ta nxirin prej andej të gjallë. Por Ramë nuk e dinte që familjarët e tij poshtë rrënojave ishin shuar përgjithmonë. Bukuria dhe bashkëshorti i saj, efektiv i policisë, Fehim Imeraj, nuk i braktisën fqinjët edhe të vdekur. Ata hapën dyert e mortit për t’i përcjellë me dinjitet 8 anëtarët e familjes Lala. Bukuria tregon me nostalgji kohën e njohjes me Lalajt. “Kam 18 vite që kam ardhur këtu. Kemi filluar themelet përnjëherë bashkë. Ata të shkretët e kanë avash.

Dy vite kanë që kanë ardhur nga Peshkopia. Kanë qenë 3 kurora në një hyrje pallati. Kanë qenë njerëz të mrekullueshëm. I kam pasur si njerëz të shtëpisë.”, tregon gruaja. Ndërsa shtëpia e Imerajt i rezistoi lëkundjeve të tokës, e kundërta ndodhi në vilën 4-katëshe përballë tyre. Fqinjët Lala i kishin treguar Bukuries se shkallët e shtëpisë kishin pasur probleme që në tërmetin e 21 shtatorit, por kjo ishte vlerësuar si jo problematike nga inspektorët e bashkisë. “Probleme kishte që në radhën e parë. Ajo u kris që radhën e parë (shkalla). I thirrën njerëzit, ata të komunës, e panë dhe thanë’; “kaq krisje s’kanë gjë””, -shton më tej fqinja.

Sahadete Lala, i biri Ilir dhe mbesa e saj Griselda, Marjeta Lala dhe fëmijët e saj Amelia, Emilio, Enisi dhe Dionisa, u kthyen u rikthyen në atë banesë të ndërtuar me sakrifica pa e ditur se aty do të jetonin vetëm dy muaj të tjerë, deri më 26 nëntor.

Next Post
Drejtori i Institutit të Ndërtimeve, Hysenlliu: Pallatet e pas viteve 90’ e kaluan testin

Drejtori i Institutit të Ndërtimeve, Hysenlliu: Pallatet e pas viteve 90’ e kaluan testin

Leave a Reply Cancel reply

Your email address will not be published. Required fields are marked *

TË FUNDIT

“Nevojitet kontributi i të gjithëve”- Ambasadorja e BE i dorëzon Hoxhës progres-raportin: Shqipëria, e aftë të përmbushë angazhimet e saj!

“Nevojitet kontributi i të gjithëve”- Ambasadorja e BE i dorëzon Hoxhës progres-raportin: Shqipëria, e aftë të përmbushë angazhimet e saj!

November 9, 2026
Lufta për pushtet është shkaku që ua nxijnë jetën qytetarëve?

Lufta për pushtet është shkaku që ua nxijnë jetën qytetarëve?

November 9, 2026
Kancelari Merz shpall Ilse Aigner si kandidate për presidente federale: Me të Gjermania fiton vlerë, karizëm, sharm dhe zemër!

Kancelari Merz shpall Ilse Aigner si kandidate për presidente federale: Me të Gjermania fiton vlerë, karizëm, sharm dhe zemër!

November 9, 2026
Begaj dhe Mattarella presin kryetarët e komunave arbëreshe në Quirinale: Arbëreshët, themeli i vëllazërisë shqiptaro-italiane

Begaj dhe Mattarella presin kryetarët e komunave arbëreshe në Quirinale: Arbëreshët, themeli i vëllazërisë shqiptaro-italiane

November 9, 2026
Hapet në Makao forumi ndërkombëtar për shkëmbimet dhe mësimin e ndërsjellë mes qytetërimeve 2026

Hapet në Makao forumi ndërkombëtar për shkëmbimet dhe mësimin e ndërsjellë mes qytetërimeve 2026

November 9, 2026
U shpall fajtor për akuzat e abuzimit seksual, aktori britanik Russell Brand dënohet me 10,5 vite burgim!

U shpall fajtor për akuzat e abuzimit seksual, aktori britanik Russell Brand dënohet me 10,5 vite burgim!

November 9, 2026
Media britanike: Ministrja Diella, projekt i përbashkët i Ramës dhe Tony Blair

Ankimuan ministren “Diella”, Gjykata Kushtetuese rrëzon kërkesën e 39 deputetëve të Opozitës! PD kërkoi shfuqizimin e dekreteve

November 9, 2026
Bisedimet në Abu Dhabi, Rusia: Çështjet e sigurisë janë në fokus, e mirëpresim qëndrimin e SHBA-ve!

Bisedimet në Abu Dhabi, Rusia: Çështjet e sigurisë janë në fokus, e mirëpresim qëndrimin e SHBA-ve!

November 9, 2026
Buxheti 2027 nuk ndryshon, PD: Ekonomia në rënie! Ibrahimaj: E shihni gotën gjysmë bosh!

Buxheti 2027 nuk ndryshon, PD: Ekonomia në rënie! Ibrahimaj: E shihni gotën gjysmë bosh!

November 9, 2026
Nis faza e dytë e Reformës Territoriale, Mazniku pas bojkotit të opozitës në Komision: Ftesa për PD-në është e hapur, t’i bashkohet procesit!

Nis faza e dytë e Reformës Territoriale, Mazniku pas bojkotit të opozitës në Komision: Ftesa për PD-në është e hapur, t’i bashkohet procesit!

November 9, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In