Reportazh / 20 fotot e Tiranës pa jetë
Nga Flogert Muça
Jemi mësuar që në prag të çdo fushate elektorale të shohim se si kryetarët e bashkive fillojnë dhe bëjnë bilancin e punëve të kryera e premtimeve të mbajtura përpara qytetarëve.. Është e kuptueshme që të gjtiha këto “gjeste” kryetarësh bëhen për të marrë votën, për të treguar se punojnë.
Këtë bëri edhe Basha netë më parë në një emision televiziv. Çdo ditë nga selia blu flitet për vizionin modern që i është dhënë Tiranës.
Por, si është në të vërtetë Trana sot?
Tirana, kryeqyteti i Shqipërisë është sot në një gjëndje të mjerueshme sa i përket infrastrukturës dhe ne gjëndje të vajtueshme sa i përket shërbimeve të tjera. U premtuan në 2011: Qendra Multimodale, TRAM, Bulevard i Ri, hapësira të gjelbërta, sistemim kanalizimesh dhe ujrash të zeza, kartë studenti, 30 mijë vende pune, mbi 400 apartamente për çiftet e reja, ulje e mbi 60 takasve e 1001 të premtime që nuk u jetësuan kurrë.
Sot, gjendja e Tiranës edhe pse prag fushate, është më plot gojën e vajtueshme.
Kryetari Basha, mesa duket e ka kuptuar se dhe po të vendoste kapakët e pusetave, të shtronte trotuaret, pastronte ambjentin, nuk do mundte kurrësesi të shlyente 4 vjet parazitizëm që mbolli në bashki.
Gjendja e rrugëve sot është mjerane, kanalizimet qelben erë, papastërtia mbizotëron sepse koshat e mbeturinave janë ose vjedhur ose hequr nga bashkia.
Urat e Lanës kanë probleme reale, pasi janë amortizuar tej mase.
Qentë e rrugës janë tanimë shqetësim serioz për qytetarët, pas disa rasteve plagosje nga kafshimet. Transporti urban është 2 herë i shkatërruar për shkak të përplasjeve me bashkinë.
Trafiku është çdo ditë e më shumë makthi i çdo qytetari.
Hapsirat e gjelbërta janë ngushtuar dhe jo zgjeruar. Numri i pemëvetë mbjellura nga Basha në 4 vjet ka qenë zero.
Hapsirat për të rinjtë? 4 vjet, zero ambjente nga bashkia.
Të gjitha këto që thamë më lart dhe plot të tjera që secili prej jush mendon në këto momente, janë Tirana që ne kemi sot. Tirana në sytë tonë është një qytet që i ka humbur ngjyra dhe jeta.
A është ky qyteti që duam? Padyshim që jo. Kemi 5 kandidatë, presim propozimet, kërkojmë debatet.
Qyteti ka nevojë për energji të re, larg parazitizmit.
