Nga burgu, Fredi Beleri posedon lirinë e plotë të komunikimit publik, duke përcjell prej atyre çfarë ai dëshiron t’i thotë publikut, pa asnjë lloj kufizimi.
Së fundi, ai ka reaguar mbi një intervistë të Ramës në Kathemerini. Ajo çfarë thotë nuk ka lajm. Mënyra skematike në të arsyeturit e Belerit është ndër mangësitë e tij të një personi pa personalitet, siç është mangësi një CV e tij profesionale e menaxheriale.
Lajm është pikërisht dimensioni i paprecedent i lirisë që i është dhënë që sa herë të dojë të mund të komunikojë me publikun.
Ja ç’shkruan ai së fundi:
“Intervista e vetëkërkuar e kryeministrit Edi Rama për Kathemerini, dalja e katërt publike e tij për rastin tim në 12 ditët e fundit, kur ndërkohë ai mbajti një heshtje peshku për 90 ditë rresht që nga arrestimi im, më çon në tre përfundime kryesore:
Së pari, filloi të kuptojë, pasi Athina e detyroi të mungonte në foton e madhe të liderëve të Ballkanit Perëndimor, pasojat e veprimeve të tij në procesin e anëtarësimit por edhe pozicionin ndërkombëtar të Shqipërisë në përgjithësi. Asnjëherë nuk është vonë.
Së dyti, vendosi të tregojë pendesë për sulmin publik shpifës dhe abuziv ndaj meje para zgjedhjeve por duke e bërë këtë artificialisht dhe me kujdes për të shkëputur përndjekjen time nga sulmi i tij dhe për të treguar se është lider autocensurues. Shpresoj që në një të ardhme të afërt të gjejë staturën politike për të bërë mea culpa, por ta nënkuptojë dhe ta vërtetojë në praktikë.
Së treti, ai vazhdon të shtrembërojë realitetin dhe të gënjejë. Shpresoj që ai të ketë rënë viktimë e dezinformimit dhe ta kuptojë herët, përpara se pasojat për Shqipërinë, Bashkinë e Himarës dhe mua personalisht të bëhen të pakthyeshme”. /tesheshi.com/
