Edi Rama ka shkarkuar nga detyra zv.ministrin e Punëve të Brendshme, Ilir Marko.
Shkak mësohet të jetë bërë një mesazh privat që Marko i ka dërguar ish-ministrit Saimir Tahir.
Në urdhrin e shkarkimit kryeministri Rama argumenton se është shkelur në mënyrë të papranueshme etika e zyrtarit.
***
Të shumta kanë qenë sulmet gjatë ditës së sotme të LSI-së ndaj ish-ministrit të Brendshëm, Saimir Tahiri. Kreu i PS-së në Tiranë, Tahiri akuzonte LSI se e kanë përgjuar në zyrë gjatë kohës që ishte në detyrë, konkretisht zv/ministri i tij, Ilir Marko, që sipas tij i kishte vendosur një përgjues ambientet e Ministrisë.
Nën vazhdën e këtyre akuzave, duket se përveç përgjimit të Ministrit, është zbuluar edhe arsyet e shkarkimit të tij nga detyra.
Zëvendësi i Tahirit, Ilir Marko, që vjen nga radhët e LSI-së, ka treguar atë që ka ndodhur me ish-ministrin gjatë kohës që drejtonte Ministrinë e Brendshme.
Në një mesazh privat, Ilir Marko i kujton Saimir Tahirit se nuk ishte nevoja ta përgjonte ai (siç aludon Tahiri), pasi këtë gjë e kanë bërë shërbimet ndërkombëtare.
