Pas sugjerimit të ministrit të drejtësisë Ylli Manjani, për përfshirjen e ushtrisë në luftën kundër kanabisit, ministrja e mbrojtjes, Mimi Kodheli, u përgjigj se ushtria duhet marrë seriozisht. Por gazetari Artan Hoxha, me një shkrim të tij, vë në dukje se tashmë ushtria është përfshirë prej kohësh në luftën kundër kanabisit.
“Ne fakt, Ushtria Shqiptare eshte angazhuar te pakten prej dy vitesh ne luften antikanabis. Paisje logjistike te FA jane vene ne dispozicion te operacioneve antikanabis te forcave speciale te Policise se Shtetit.
Gjate operacionit antikanabis ne Lazarat, me qershor 2014, helikoptere ushtarak te FA, jane perdorur per transport te forcave speciale, si dhe mjetet e blinduara te forcave komando te FA, jane vene ne dispozicion te operacionit policor nga toka.
Gjate gushtit 2014 nje helikopter ushtarak tip Cougar, me kosto 18 milione euro, i Ushtrise Shqiptare, u godit me mitroloz te rende nga nje grup kriminal gjate nje misioni fluturimi ne veri te vendit, ndersa transportonte trupat speciale RENEA gjate nje operacioni antikanabis.
Ne foto eshte helikopteri Cougar i FA, i cili u qellua me mitroloz gjate nje operacioni antikanabis ne Dukagjin, duke transportuar trupat speciale RENEA, gusht 2014.
Ne foton tjeter, nje mjet i blinduar i FA, i perdorur nga forcat RENEA gjate operacionit antikanabis ne Lazarat, qershor 2014”, shkruan Hoxha.
d.i.
Replikat Manjani-Kodheli, Artan Hoxha në mes: Ushtria, prej dy vitesh e angazhuar kundër kanabisit
