Replika në Kuvend mes ish-kryeministrit Sali Berisha dhe deputetit Taulant Balla. Teksa Berisha akuzonte qeverinë dhe kryeministrin Rama, për gjendjen e mjeruar të vendit, kanabisin dhe së fundi edhe vdekjen e nënës dhe foshnjës në maternitet, ka reaguar nga vendi deputeti Balla.
Berisha: Një përdhunues i një të sëmure nuk më impresionon mua
Balla nga vendi i tregon librin “Armët dhe çunat”.
Berisha: Rri ti, të ka në dorë o budalla. A tha një fjalë për nënën dhe foshnjen, kreu i meduzës nuk shqipëroi dot një fjalë. Shkoi gjer në Elbasan me Beqen i lidhur ashtu dhe kështu se s’po e prish gojën dhe u tha po u biem 6 ambulanca…
Kanabisi/ Berisha: Ju nuk fluturoni me presh nga mbrapa por me…
Ish-kryeministri Sali Berisha në fjalën e tij sot në Parlament e ka vënë theksin te situata e përhapjes së kultivimit të drogës dhe kanabisit në të gjithë vendin, nga Jugu në Veri.
“Sot unë dua të jap alarmin, të shpreh shqetësimin tim më të madh për dramën në të cilën është zhytur Shqipëria. Sot siguria kombëtare është më e kërcënuar se kurrë, nga kohërat e luftërave gjer tani. Shqipëria është shndërruar në Kolumbinë e dikurshme jo të sotme të Evropës. Arat e deputetëve dhe politikanëve e ministrave kanë mbuluar vendin nga Pogoni në Vermosh. Asgjë s’kërcënon më sigurinë e këtij vendi sesa kanabisi. Kambanat bien për të gjallët jo për të vdekurit, se u kalua nga mushkonjat e aeroporteve te aeroporte për trafiqe kriminale qoftë kanabis qoftë kokainë qoftë armë.
Dora e zezë e ISIS s’ka asnjë pengesë që të shtrihet. A e dini që po ndërtohen aeroporte të tjera apo jo? Ta them unë se ku janë, po po për turizëm, po ndërtohen aerodrome të tjera për trafiqe kriminale, çfarë shteti jemi ne eksportojmë vdekje për aleatët tanë.
Po mor kishte, po kishte një luftë dhe kjo luftë bëri, shkoni pyesni autoritetet italiane, pas moratoriumit për skafet e paligjshme Italia hoqi kontrollin e hapësirës ajrore me Shqipërinë.
Po ju besoni gënjeshtrat tuaj se ju nuk fluturoni me presh mbrapa por me para’ mbrapa, po po këtë keni ju mjetin e fluturimit.
Ndërhyn Balla: Atë mbaje për vete se ne nuk e mbajmë dot
Bëjmë kërcënim rrëzim për NATO, Italinë, Greqinë, aleatët tanë, a ka përgjegjësi këtu apo jo?”, tha Berisha.
Panorama/d.i.
