Shqiptarët e suksesshëm kudo në botë nuk ngurrojnë që të tregojnë me krenari orgjinën e tyre. Këtë radhë është reperi shqiptar, Action Bronson i cili është duke ndërtuar karrierë ndërkombëtare, ku në një koncert të tij ka vendosur të perforomojë me flamurin kuqezi mbi supe.
Në koncertin e Action Bronson në Bruksel kishte edhe një artist shqiptar që ka ndarë në instagram një video nga performanca e bashkombasit. Young Zerka që ka shijuar muzikën e tij ka shkruar:“Spektakël i shkëlqyer. Kuq e zi duke fluturuar në Bruksel”. Në video shihet Zerka duke kënduar nga publiku këngët e reperit shqiptar.
Kjo nuk është hera e parë që Action Bronson krenohet me origjinën e tij. Në një klip të tij, ai shfaq një kartë me shkrim për shqiptarët.
