Gjatë një fjalimi në Senatin italian, kryeministri Renzi ka folur edhe për procesin e integrimit europian, duke përmendur Shqiperinë dhe Serbinë. Ja fjala e tij:
“Sot rrezikojmë që kush është 14 vjeç, siç isha unë kur u rrëzua muri i Berlinit, të shohë ndërtimin e një muri. I referohem murit fizik që dikush do donte të ndërtonte mes Hungarisë dhe Serbisë. Dhe aq më tepër, nevojitet që Italia të insistojë mbi zgjerimin europian, në veçanti drejt Serbisë e Shqipërisë, sepse bëhet fjalë për një kuadro organike të ndërtimit europian që është lënë e papërfunduar.
Nuk është e mundur që Europa të zgjerohet vetëm drejt partenariatit lindor, duke lënë Serbinë e Shqipërinë në duart e një situate tensioni si ajo që, në mënyrë paradoksale, mund të krijohet dhe të jetë, kjo po, veçanërisht e rrezikshme edhe nga pikëpamja e rendit publik. Një situatë në të cilën lihen, disa kilometra larg nesh, dy realitete që nuk përfshihen në procesit e integrimit europian. Pyesni kryeministrin e Shqiperise Rama çfare ndodhi, kur pati një vonesë gjashtëmujore në dhënien e statusit për Shqipërinë: fenomene të integralizmit fetar, që në atë vend janë gjithsesi të pranishëm e të fortë, portretizuan një Europë në të cilën të krushterët nuk dëshironin të përfshinin të tjerët. Ja përse është thelbësore të kemi një vështrim më të gjerë, për të shmangur një Europë muresh, ne që kemi njohur një Europë që muret i rrëzonte”.
