Kryeministri italian, Matteo Renzi u bëri thirrje votuesve që të mos përdornin referendumin e 4 dhjetorit për reformën kushtetuese për të shpëtuar prej tij.
“Mos përdorni referendumin me dëshirën për të rrëzuar qeverinë. Do të ishte një mundësi e humbur dhe është më mirë që të votohet për atë për të cilën po zhvillohet”, u shpreh kryeministri Renzi.
Reforma ndryshon Kushtetutën italiane dhe ndër të tjera, kthen Senatin në një asamble më të vogël të përfaqësuesve të qeverisë lokale me kompetenca të kufizuara. Ajo ka për qëllim të kursejë para dhe të jetë më e lehtë për të kaluar legjislacionin.
Renzi ka thënë më parë se do të dorëhiqej nëse ai e humb referendumin, por së fundmi hodhi poshtë këtë pohim duke thënë se do të ishte një gabim të personalizonte votën e referendumit.
Pothuajse të gjitha grupet e opozitës së Italisë po bëjnë fushatë për një votë “Jo”. Renzi deklaroi gjithashtu se “Silvio Berlusconi, një tjetër ish-kryeministër i Italisë, Massimo D’Alema, një anëtar i një minoriteti rebel brenda Partisë së tij Demokratike të qendrës së majtë, dhe figura të tjera, roje të politikës së vjetër të Italisë, ishin në favor të një votimi kundër, për shkak se ata e panë si një mundësi për t’u rikthyer në jetën politike. (b.an)
