Kryeministri italian, Matteo Renzi ka paraqitur zyrtarisht dorëheqjen, njoftoi Zyra e Presidentit të Italisë, Sergio Mattarella.
Renzi ka paraqitur dorëheqjen e tij tek presidenti i Italisë, i cili e pyeti atë nëse dëshiron të mbetet në krye të Qeverisë së përkohshme, për aq kohë sa do të konsultohet më palët politike për formimin e qeverisë së re, raportojnë mediet italiane.
Konsultimet për formimin e qeverisë, do të fillojnë nesër pasdite dhe duhet të përfundojnë të shtunën pasdite.
Zgjedhjet parlamentare në Itali duhet të mbahen në vitin 2018, por shumë politikanë flasin për mundësinë e mbajtjes së tyre më herët.
Dorëheqjen Renzi e paraqiti tek presidenti menjëherë pasi Parlamenti italian miratoi buxhetin për vitin 2017, që ishte kërkesë e presidentit Mattarella që ai të qëndrojë në këtë pozitë deri sa të miratohet buxheti.
Kryeministri italian, të hënën ka njoftuar dorëheqjen e tij, pas disfatës që pësoi të dielën në referendum mbi ndryshimet kushtetuese të propozuara nga ai, citohet Koha. (b.an)
