“Renzi bashkëpunëtor i skafistëve, Kisha të mos na çajë kokën”
Shefi i Lega Nord Mateo Salvini vazhdon të lëshojë deklarata të nxehta kundër qeverisë dhe Kishës Katolike, në lidhje me temën e emigrantëve. Ai është shprehur së fundi se do të bllokojë Italinë me greva dhe protesta, për të shporru qeverinë Renzi. Ai e ka akuzuar kryeministrin italian si “bashkëpunëtor të skafistëve”, ndërkohë ka sulmuar Kishën Katolike duke kërkuar që të mos ndërhyrjë në debatin për emigracionin. “Kisha të mos na çajë kokën”, ka thënë Salvini, duke shtuar se në Itali po ndodh një “genocid kundër popullit italian”.
