Smartphonet janë tashmë një realitet i pandryshueshëm për të gjithë njerëzit në rruzullin tokësor, aq sa telefonët e rinj teknologjik na lejojnë që të kryejmë dhjetëra e qindra veprime online.
Dhe kjo ka bërë që të rritet përdorimi i tyre, dhe veçanërisht kur bie fjala për blerje online përmes smartphone-ve.
Sipas një renditje të bërë nga DigitasLbi, Kina është shteti i parë në botë, e cila i përdor më së shumti smartphone-t për të blerë online. Kjo pasi në Kinë tashmë kjo është kthyer në kulturë, duke u bazuar edhe fiksimin që ata kanë si popull ndaj teknologjisë.
Italia është vendi që ka njohur në fakt rritjen më të madhe të blerjeve online përmes telefonit, ose siç njihet ndryshe e-commerce. Kjo pasi shteti fqinj ka rritur ndjeshëm përdorimin në jetën e tyre të përditshmëve të smartphonëve, duke u renditur menjëherë pas Kinës.
Në të njëjtën masë përdorimi është edhe Spanja, e cila në fakt ndan vendin e dytë me Italinë.
Ndërsa pas tyre vijnë vende si SHBA, Franca dhe Britania e Madhe. Ndërrsa më pas renditen vende disi më skeptike si Danimarka, Gjermania, Belgjika, Holanda dhe Zvicra.
Ndërkohë Shqipëria as që llogaritet në këtë listë duke parë përdorimin e pakët të blerjeve përmes telefonit në vendin tonë.
