Qeveria shqiptare ka vendosur që të ulë rentën minerare për mineralet metalore që përpunohen në vend nga 6% në 3% si dhe të krijojë lehtësi fiskale për bitumet. Këto lehtësira synojnë të mbështesin këtë industri nga rreziku i uljes së çmimit të mineraleve në tregjet e huaja.
Prodhuesit vendas të mineraleve metalore gjatë 2017 do të paguajnë vetëm 3% të vlerës rentë minerare nga 6 % që është aktualisht. Eduard Gjokutaj këshillltar për pjesën ekonomiko-fiskale në ministrinë e energjisë argumenton se ky lehtësim është i nevojshëm në një kohë që ky sektor po përballet me vështirësi serioze për shkak të uljes së çmimeve në tregjet ndërkombëtare, shkruan oranews.
Gjokutaj: Renta minerare ngelet për pjesën e eksportit dhe 3% do të ngelet për pjesën e përpunuesve brenda vendit dhe kjo gjithmonë u bë në një formë të tillë të përshkallëzuar prodhimin vendas i cili ka filluar të ndihet dhe të bëhet një faktor në tregun e minerareve të përpunuara. Edhe ajo kërkese që ishte me të drejtë nga biznesi përsa i përket pribitumeve janë ulur me mbi 10 herë në raport me cfarë u vendos në paketën fiskale të vitit të kaluar.
Por a do të ketë efekte për të ardhurat në buxhet ulja e rentës për mineralet. Gjokutaj argumenton se gjithçka do të përballet me miradministrim e këtij sektori ku viojn që të ketë informalitet të lartë.
Gjokutaj: Ulja e rëntës për buxhetin ndërsa mund të themi se në 2014 nga renta minerare merrej 1 mld lekë në 2015 është marrë 700 mln lekë. Pra do ketë një kosto në buxhet e cila nëpërmjet lëvizjeve dhe mekanizmave balancues do të gjejë burime të tjera, qoftë te mirëadministrimi fiskal, qofte te rritja e besimit, kjo përkthehet me shumë bashkëpunim me administratën dhe më shumë pjesë formale të këtij sektori që ka një problematikë të madhe dhe informalitetin.
Të ardhurat nga renta minerale janë përgjysmuar gjatë këtij viti. Buxhetit i kanë munguar 913 milion lekë në 9 muaj vetëm si pasojë e rentës minerare, ndërsa një rënie të ndjeshme ka pësuar edhe akciza.
