RENEA ka “blinduar” zonën e Lanës/ Efektivët futen në ujë për të gjetur armën që u ekzekutua Sofia

Pas rrëfimit të ekzekutorit të Behar Sofisë, forcat RENEA kanë hyrë te lumi Lanës në kërkim të armës së krimit. Autori Ernejt Shyti ka deklaruar se arma është hedhur në Lanë.Ndërkohë, nën masa të rrepta sigurie është çuar te vendi i krimit edhe ekzekutori, 24-vjeçari Ernejt Shyti, i cili pritet të ndërtojë gjithë skemën e vrasjes që tronditi kryeqytetin.

Ai po iu tregon forcave RENEA konkretisht në terren se ku ka qëndruar dhe si ka vepruar. Ai ka thënë se e ka hedhur në Lumin e Lanës armën e krimit dhe për këtë arsye forcat e RENEA-s po kryejnë kërkime brenda lumit.

Disa detaje të reja janë zbuluar për grupin që organizoi vrasjen e Sofisë. Ernejt Shyti autori i vrasjes së Behar Sofisë është kontaktuar në rrjete sociale nga njëri bashkëpunëtor përpara vrasjes.

Ai është kontaktuar nga Skënder Vathi, 54 vjeç, lindur në Arrameras, Fushë Krujë dhe banues në Tiranë. Ky i fundit po ashtu ka rënë në prangat e polcisë pasi rrëfimit të Shytit i cili ka treguar si është organizuar vrasja.

g.kosovari