Një aksion blic i forcave të RENEA-s është zhvilluar gjatë mbrëmjes së të enjtes në Nikël të Fushë-Krujës, zonë e krehur edhe herë të tjera nga policia për shkak të personave me rekorde kriminale.
Efektivët e policisë qëndruan për orë të tëra në fshatin e Niklës dhe policia ka kryer kontrolle në disa banesa të personave me rekorde kriminale.
Kështu janë kontrolluar banesat e Valter dhe Durim Bamit si dhe banesa e Ylli Çangut. Eshte kontrolluar edhe shtëpia e kushëririt të Durim Bamit, Ervin Kodrës, të cilit në muajin nëntor i bënë edhe një atentat.
Mësohet gjithashtu se e gjithë Nikla është mbajtur në shtetrrethim për disa orë. Nuk bëhet ende me dije se në kërkim të kujt ishin forcat RENEA dhe nëse e kanë kapur objektivin e tyre.
g.kosovari
