Situata me koronavirusin në burgun e Rrogozhinës është rënduar. Pas konfirmimit me COVID 19 të juristit të burgut, rezultojnë të prekur edhe dy punonjës të tjerë.
Referuar këtyre zhvillimeve, gazetarja Klodiana Lala thotë se Drejtoria e Përgjithshme e Burgjeve ka nisur një hetim të brendshëm nëse ndonjëri prej të infektuarve ka pasur kontakte me të dënuarit, po ashtu është vendosur të komandohen persona të tjerë në burg dhe stafi i ngushtë me ta të futet në karantinë.
Kujtojmë që deri më tani të paktën 270 të burgosur kanë lënë qelitë për të paktën 3 muaj me qëllim frenimin e përhapjes së koronavirusit. /e.s/
