Përshkallëzohet protesta e të dënuarve në burgun e Peqinit.
Rreth 150 të dënuar, që vuajnë dënimin në këtë burg kanë hyrë në grevë urie qe një ditë më parë.
Ata kanë refuzuar ushqimin, pasi nuk u lejohen takimet e zgjeruara. Si pasojë e situatës së Covid-19 ata mund të takohen vetëm me familjarët e afërt dhe asnjë person tjetër.
Kjo nuk është hera e parë që në burgun e sigurisë së lartë në Peqin, zhvillohet një grevë urie nga të dënuarit si pasojë e kufizimeve nga koronavirusi. Më herët të dënuarit kanë protestuar edhe për aplikimin e regjimit “41-biss”.
Kujtojmë se në burgun e sigurisë së lartë në Peqin janë persona me rrezikshmëri të lartë për vepra të rënda penale.
/a.r
