FIFA ka publikuar sot renditjen e re të Kombëtareve për muajin dhjetor ku Shqipëria dhe shumë skuadra te tjera kanë rujtuar pozicionet për shkak se në 30 ditët e fundit nuk kanë patur impenjime.
Kuqezinjtë e Panucci-t e mbyllin vitin në vendin e 60, ndërsa në krahasim me vitin e kaluar kanë fituar dy pozicione pasi renditeshin të 62. Për t’u evidentuar është Kosova, përfaqësuesja e cila 2018 e mbyll e pozicionuar e 131 në botë. Në krahasim me vitin e kaluar ‘dardanët’ e drejtuar nga Shaland kanë fituar 46 vende duke u ngjitur në kuotën e 1372 pikë.
Jo pak përshtypje bën edhe vendi i parë. Kjo pasi Belgjika mban kreun pavarësisht se Franca në muajin korrik u shpall kampione botë në Rusi. Diferenca mes këtyre dy skuadrave në renditje është vetëm 1 pikë. Podiumin ndërkohë e plotëson Brazili me 50 pikë më pak se Franca. Kroacia, Anglia, Portugalia, Uruguaji, Zvicra, Spanja dhe Danimarka renditen nga vendi I katërt deri në të dhjetin, ndërsa Argjentina dhe Italia jashtë kësaj liste./a.meta
