Në 10 : 00 pritet të nisë seanca plenare e Kuvendit.
Siç është bërë zakon tashmë, edhe seanca e sotme pritet të jetë e tensionuar.
Opozita ka krijuar debate të ashpra, deri në bllokim të seancave plenare, por edhe të komisioneve parlamentare, teksa kohët e fundit është përqendruar tek akuzat ndaj ministrit të Brendshëm, Fatmir Xhafaj, duke kërkuar dorëheqjen e tij, me pretendimin se vëllai i tij, Agroni, është i implikuar në trafikun e drogës.
RENDI I DITES
1. Miratimi i procesverbalit të seancës plenare të datës 24.5.2018 (neni 44, Rregullore)
2. Njoftimi i projektligjeve të depozituara në Kuvend (neni 44, pika 3 e Rregullores)
3. Raporti vjetor i veprimtarisë së Autoritetit të Mediave Audiovizive për vitin 2017 (pdf)
(neni 103, Rregullore, votim me shumicë të thjeshtë)
4. Raporti vjetor i veprimtarisë së Këshillit Drejtues të RTSH për vitin 2017 (pdf) (neni
103, Rregullore, votim me shumicë të thjeshtë)
5. Raporti vjetor i veprimtarisë së Komisionit të Prokurimit Publik për vitin 2017 (pdf)
6. Projektligji “Për ratifikimin e marrëveshjes ndryshuese të marrëveshjes së huas dhe
projektit, ndërmjet Republikës së Shqipërisë, të përfaqësuar nga Ministria e Financave,
e Operatorit të Sistemit të Transmetimit Sh.a, si agjencia e zbatimit të projektit dhe
KfW Frankfurt am Main, për financimin e projektit “Linja e transmetimit 400 kilovolt
Shqipëri – Kosovë (Tiranë – Prishtinë), nëpërmjet një huaje prej 42.000.000 (dyzet e dy
milionë) eurosh” (pdf) (nenet 73-77, Rregullore, votim me shumicë absolute )
7. Projektligji “Për pranimin e skedulit CXL VI të zgjerimit të listës së marrëveshjes së
teknologjisë së informacionit, në kuadër të Organizatës Botërore të Tregtisë” (pdf)
(nenet 73-77, Rregullore, votim me shumicë absolute )
8. Projektligj “Për ratifikimin e marrëveshjes së huasë, ndërmjet Republikës së
Shqipërisë dhe Bankës Ndërkombëtare për Rindërtim dhe Zhvillim, për shtesën e
financimit për projektin e burimeve ujore dhe ujitjes, dhe të marrëveshjes për
ndryshimin e marrëveshjes së huasë, ndërmjet Republikës së Shqipërisë dhe Bankës
Ndërkombëtare për Rindërtim dhe Zhvillim, për financimin e projektit të burimeve
ujore dhe ujitjes” (pdf) (nenet 28, 73-77 Rregullore, votim me shumicë absolute)
9. Projektvendim “Për ngritjen e Komisionit të Pavarur për Koordinimin, Monitorimin
dhe ndjekjen e zbatimit të ligjit nr 115/2016 “Për organet e qeverisjes së sistemit të
drejtësisë”” (pdf) (Neni 288 i ligjit nr. 115/2016 “Për organet e qeverisjes së sistemit të
drejtësisë” dhe nenet 73-77, Rregullore, votim me shumicë të thjeshtë )
10. Për votim:
Projektvendim “Për emërimin e një anëtari të Këshillit Drejtues të Autoritetit të
Komunikimeve Elektronike dhe Postare ( neni 111, Rregullore, votim i fshehtë me
shumicë të thjeshtë)
11. Diskutime për çështje jashtë rendit të ditës (neni 45, Rregullore)
Koha e diskutimeve deri në 60 minuta
a.ç
