Rëndësia e miratimit të Strategjisë Kombëtare për Zvogëlimin e Riskut nga Fatkeqësitë

Qeveria shqiptare miratoi Strategjinë Kombëtare për Zvogëlimin e Riskut nga Fatkeqësitë dhe Planin e Veprimit, i cili konsiderohet një hap i munguar prej vitesh drejt forcimit të Sistemit të Mbrojtjes Civile.

Dokumenti u finalizua falë bashkëpunimit të shkëlqyer të palodhur të Institucioneve, shoqërisë civile dhe partnerëve, pjesë e Sistemit të Mbrojtjes Civile në Shqipëri, në partneritet me projektin RESEAL të mbështetur nga UNDP, financuar nga qeveria Suedese dhe Portugese.

Zbatimi i këtyre dokumenteve, angazhon të gjitha strukturat e Sistemit të Emergjencave Civile në Shqipëri dhe do të rrisë dukshëm kapacitetet e vendit për të menaxhuar, përballuar dhe zvogëluar riskun nga fatkeqësitë.

Në një takim me Drejtoreshën e UNDP dhe Monika Merino dhe Drejtoreshën e SIDA Petra Burcher, Drejtori i Përgjithshëm i Agjencisë Kombëtare të Mbrojtjes Civile, Haki Çako theksoi rolin e rëndësishëm dhe të pazëvendësueshëm që kanë partnerët tanë ndërkombëtarë në implementimin e këtyre dokumenteve të rëndësishme kombëtare për ndërtimin e një Shqipërie më të sigurt dhe më të qëndrueshme, si një anëtare e denjë e Mekanizmit të Mbrojtjes Civile të BE-së.

/e.d