Zv. Kryeministri i Maqedonisë së Veriut Artan Grubi e ka cilësuar me rëndësi jetnike për të drejtat kombëtare etnike të shqiptarëve, regjistrimin në censusin e vitit 2021. Gjatë një interviste në emisionin “Opinion”, Grubi tha se përdorimi i gjuhës dhe flamurit kombëtar në institucione por edhe ai i flamurit kombëtar shqiptar, varet nga përqindja e popullsisë së regjistruar.
“Zhvillohet censusi, 20 vite pas censusit të parë në vitin 2001, ku shqiptarët kanë dalë 25.17%. Siç e dinë shikuesit tuaj të drejtat e shqiptarëve janë të prcaktuara me përqindje. Përdorimi i gjuhës shqipe përcaktohet me përqindje. Popullata që përbën më shumë se 20% të popullatës së përgjithshme ka të drejtë ta përdorë gjuhën në të gjithë gjithë territorin. Flamuri kombëtar mund të përdoret nëse jemi më shumë se 50% në komunën e caktuar, në formë zyrtare. Përfaqësimi ageduat në institucionet e shtetit bëhet në përputhje me kuotat e paracaktuara në census. Prandaj dhe po inisitojmë që mërgata në mënyrë masive të regjistrohet,”- u shpreh Grubi.
Grubi shtoi se koha për t’u regjistruar në census është deri në datën 21 Prill, ndërsa ka sqaruar edhe njëherë të gjitha kushtet që duhen plotësuar për t’u bërë pjesë e tij.
“Çdo shqiptar i Maqedonisë së Veriut, mjafton të ketë lindur në Maqedoni, pavarësisht se jeton jashtë apo mund të ketë marr një pasaportë të një vendi tjetër nuk ka asnjë pengesë që të regjistrohet. Regjistrohet online në faqen census.stat.gov.mk dhe zgjat 3-5 minuta regjistrimi i vet dhe i familjes, për të kontribuar për të drejtat e bashkëkombasve që jetojnë në Maqdoninë e Veriut,”-shtoi ai.
g.kosovari
