I dënuari me burgim të përjetshëm, Arben Frroku, duket se nuk ka arritur t’ia hedhë policisë holandeze. Ndalimi i tij është bërë më 6 mars të këtij viti, në Schipol të Amsterdamit gjatë një kontrolli rutinë, ndërsa Frroku ka ngjallur menjëherë dyshimin e efektivëve.
46-vjeçari mbante një pasaportë dhe një patentë greke me identitetin Renato Xhepa nga Korça. Por ajo që i ka bërë policët të dyshojnë ka qenë afati i pasaportës 5-vjeçare. Sipas datës ajo skadonte në vitin 2018.
Duke menduar se pasaporta ishte false, holandezët e shoqëruan Frrokun në stacionin policor ku pas tre ditëve u arrit të verifikohej se shtetasi Renato Xhepa as që nuk ekzistonte fare. (javanews.al / a.r)
