Renato Sanches është Djaloshi i Artë 2016, lë pas Rashford e Coman

Renato Sanches ka fituar çmimin Golden Boy, i cili jepet çdo vit për futbollistin e ri më të mirë në Evropë.
Futbollisti i Portugalisë dhe i Bayernit e fut veten në një listë plot emra të shquar, të cilët e kanë fituar këtë çmim më parë, si Sergio Aguero, Wayne Roone, Paul Pogba e të tjerë.
Sanches spikati gjatë sezonit të kaluar në Champions League, me Benfica, për t’u blerë në maj nga klubi bavarez.
Ai u thirr në kombëtaren portugeze për Euro 2016, ku e nisi nga stoli, për të shkëlqyer më pas deri në finale, kulmuar me triumfin kundër Francës, çka e bën atë kampionin më të ri të Evropës.
Adoleshenti portugez do ta marrë çmimin sot në një ceremoni në Monte Carlo, por ndërkohë lajmi i fitores së tij u publikua në faqen e parë të gazetës që organizon çmimin, Tuttosport.
Në garë me Sanches ishin Marcus Rashford i Manchester United dhe shoku i skuadrës te Bayern, francezi Kingsley Coman, renditur përkatësisht në vendet dy dhe tre.
d.i.