Operatori i Sistemit të Transmetimit njoftoi të hënën se për shkak të remontit të planifikuar që do të kryhet në linjën 110kV Fushë Krujë – Laç 1 ditën e nesërme do të ketë ndërprerje energjie në nënstacionin Mamurras si edhe zonat Bashkia Mamurras, Fushë Mamurrasi, bizneset në autostradë Mamurras, Abulena, Karburant Eri, Lagja Demokracia, lagjja e Re; ish-komuna Thumanë, Dukagjin, Zhej, si dhe ujësjellësi Mamurras.
Po ashtu OST njofton se do të ketë ndërprerje të shkurtër edhe në datat 29 dhe 30 tetor pasi do të stakohet linja 110kV Tirana 1 – Fushë Krujë, si rrjedhojë do të mbeten pa energji elektrike N/Stacionet Fushë Krujë, Krujë, Mamurras, Mobile Fushë Krujë si edhe disa zona të tjera.
Të martën OST planifikon stakim të energjisë edhe në nënstacionin 110kV të Librazhdit, për vazhdimin e punimeve të rehabilitimit të anës 110kV.
Punimet për rehabilitimin e kësaj linje do të sjellin edhe ndërprerje të energjisë elektrike për zonat Orenje, fshatrat Ballgjin, Dranovice, Floq, Funarëz, GuraKuq, Kuturman, zonën industriale, ushtarakun, spitalin, frigoriferin, etj.
/a.r
