Kisha e Anglisë ka ngritur shqetësimet se kongregacioni i saj pritet pothuajse të përgjysmohet gjatë tri dekadave të ardhshme. Një “parashikim më i zymtë” se që ishte bërë më parë është bërë nga shefi i financave të Kishës të mërkurën, thotë The Guardian. John Spence tha se një 81-vjeçar ka tetë herë më shumë gjasa që të marrë pjesë në kishë se sa një 21-vjeçar, dhe se e ardhmja e fesë në Britani është e pasigurt. “Në të gjitha masat e mundshme të suksesit, duke parë të dhënat demografike të kishës, nuk ka gjasa që të shohim një rritje të anëtarësisë kishtare brenda 30 viteve të ardhshme”, thotë ai. “Unë mund t’ju jap edhe fakte të tjera, por mendoj se jeni duke e kuptuar”, shtoi ai, transmeton Gazeta Express. Përderisa aktualisht 18 persona për 1,000 marrin pjesë rregullisht në kishë, gjatë 30 viteve të ardhshme pritet që pothuajse të përgjysmohet ky numër, me vetëm 10 për 1,000 persona që shkojnë në kishë. Një raport nga Këshilli i Kryepeshkopëve për vitet deri në vitin 2014, tregon një rënie të vazhdueshme të njerëzve që marrin pjesë në shërbimet kishtare të së dielës, përgatitur nga Gazeta Express
